नेपालमा कृषि क्षेत्रमा भएका सुधारका कार्यक्रमहरूः

1. नेपालमा आर्थिक वर्ष २०६३/०६४ देखि “एक गाउँ, एक उत्पादन कार्यक्रम” सञ्चालनमा आएको हो। सुरुवाती चरणमा ३२ जिल्लामा सञ्चालन गरिएको यो कार्यक्रम आर्थिक वर्ष २०७०/०७१ बाट १० जिल्ला थप गरी ४२ जिल्लामा विस्तार गरिएको छ ।
2. कृषि क्षेत्रमा प्रवर्द्धन गरी खाद्यान्नमा आत्मनिर्भर बन्नका लागि प्रधानमन्त्री कृषि आधुनिकीकरण परियोजना, २०७३ लागू गरिएको थियो। पछि, आर्थिक वर्ष २०८२/०८३ मा यस कार्यक्रमलाई राष्ट्रिय कृषि आधुनिकीकरण कार्यक्रमका रूपमा नामकरण गरी सञ्चालन गरिएको छ ।
3. यस कार्यक्रमअन्तर्गत कृषि उपजको उत्पादन, प्रशोधन, भण्डारण र बजारिकरणसँग सम्बन्धित पूर्वाधार निर्माणका साथै कृषि यान्त्रीकीकरण लगायतका प्रमुख क्रियाकलापहरू सञ्चालन हुँदै आएका छन् ।
4. परियोजनाअन्तर्गत हालसम्म विभिन्न बाली र वस्तुका २१ सुपर जोन, २०६ जोन, १,६६४ ब्लक र ९,१६२ पकेट सञ्चालनमा रहेका छन् ।
5. साथै, कृषकहरूलाई प्रोत्साहित गर्नका लागि राष्ट्रपति सर्वोत्तम कृषक पुरस्कार र राष्ट्रपति उत्कृष्ट कृषक पुरस्कारजस्ता कार्यक्रमहरू पनि सञ्चालनमा ल्याइएका छन् ।