लमजुङ र भक्तपुरसँग मैत्री सम्बन्धको स्थापना

लमजुङ र भक्तपुरसँग मैत्री सम्बन्धको स्थापना
पृथ्वीनारायण शाहले काठमाडौं उपत्यकामा आक्रमण गर्नुअघि लमजुङसँग मैत्री सन्धि गरेका थिए। सन् १७४० को जनवरी महिनामा भएको यस सन्धिमा आपसमा अनाक्रमण गर्ने र यदि कुनै तेस्रो देशले आक्रमण गरेमा संयुक्त रूपमा प्रतिकार गर्ने कुरा उल्लेख गरिएको थियो।

पृथ्वीनारायण शाह छिमेकी शत्रु राज्यहरूसँग मैत्री सन्धि गर्न सफल भएकाले उपत्यका आक्रमणको योजना सहज रूपमा अगाडि बढाउन सके। त्यसैगरी, सन् १७४१ मा उनले भक्तपुरका राजा रणजित मल्लका छोरा वीर नरसिंह मल्लसँग मितेरी सम्बन्ध गाँसेर अर्को छिमेकीसँग पनि मैत्री सम्बन्ध स्थापना गरेका थिए।